Олон Улсын Соёлын Цэцэрлэгт Хүрээлэнгийн зураг төслийн уралдаан зохиогдов
Нийслэлийн иргэдийн ая тухтай амарч зугаалах, цагийг зөв боловсон өнгөрүүлэх ногоон байгууламж бүхий “Олон Улсын Соёлын Цэцэрлэгт Хүрээлэн” төслийн зургийн уралдаанд идэвхи санаачилгатай оролцсон оюутан залуус, уран бүтээлчид, мэргэжлийн байгууллагын төлөөлөл болон нийт оролцогчдодоо баяр хүргэе. Мөн энэхүү ёслолын арга хэмжээнд хүрэлцэн ирсэн мэргэжлийн шүүгчид болон УИХ-н гишүүн Г.Амартүвшин, The HU хамтлаг болон бусад хүндэт зочид төлөөлөгч нарт гүнээ талархаж байна.
Уралдаанд цаг заваа гарган оролцож, Улаанбаатар хотынхоо бүтээн байгуулалтад ур ухаанаа уралдуулан, цоо шинэ архитектурын орон зайн төсөөлөл бий болгохыг зорин ажилласан нийт оролцогчдодоо ч талархлаа илэрхийлье. Улаанбаатар хотын маань тулгамдсан асуудлуудын нэг болох агаарын бохирдол, хөрсний бохирдол, ногоон байгууламж хүрэлцээгүй, дэд бүтцийн зохион байгуулалт тааруу, иргэд амарч зугаалах зай талбай бага, замын түгжрэл их нөхцөл байдлуудыг эергээр шийдвэрлэхэд энэхүү олон улсын соёлын цэцэрлэгт хүрээлэнгийн бүтээн байгуулалт ихээхэн үүрэг оролцоотой байх юм.