Голдс Жим Монгол улсад үйл ажиллагаа явуулж эхлэв
1965 онд АНУ-ын Калифорниа мужид нээгдсэн Голдс Жим фитнессийн үйл ажиллагаа нь дэлхий даяар тархаж, өдгөө 715 дахь салбар нь Монгол Улсад албан ёсоор нээгдээд удаагүй байна. Гоо зүйн хөгжил, бие бялдрын өв тэгш хүмүүжлийг олгох энэхүү гайхалтай цогц сүлжээ фитнесс нь үйл ажиллагааны цар хүрээгээрээ дэлхийд тэргүүлдэг.
Бялдаржуулах урлагийн хөгжилд үнэтэй хувь нэмэр оруулсан хэмээн албан ёсоор хүлээн зөвшөөрөгддөг Голдс Жим нь хүн бүрт эрүүл, зөв амьдралын хэвшлийг олгохын төлөө туршлагатай баг хамт олны хичээл зүтгэлийг дайчлан ажилладаг онцлогтой. Голдс Жим-ийн гишүүнчлэл бүхий олны танил алдартнууд гэвэл нэрт жүжигчин, тамирчин Двейн "The Rock" Жонсон, жүжигчин Жессика Алба, Жуди Фостер, Кеану Рийвс, гольфчин Тайгр Вүүдс зэрэг шилдгүүд байдаг. Голдсын жим фитнессийн томоохон онцлогууд гэвэл хамгийн сүүлийн үеийн дэвшилтэт тоног төхөөрөмжүүд, том зай талбай, туршлагатай шилдэг багш нарын хичээл зүтгэл зэрэг билээ. Идэвхтэй хөдөлгөөн, эрүүл амьдралыг та Голдс Жим Улаанбаатарт ирж мэдэрнэ үү.