ИРЭЭДҮЙД ХАМГИЙН ТААТАЙ ОФФИСЫН ЧИГ ХАНДЛАГА ЯМАР БАЙХ ВЭ?

Алдарт Microsoft технологийн компани нь тавилга хийдэггүй боловч, зөвхөн програм хангамжаар хязгаарлагдахаа больж, дараа үеийн хамгийн үр дүнтэй оффисын орчин нөхцөл ямар байх талаар ажиллаж байна. Microsoft-ын оффис төлөвлөлтийн хэсгийн захирал Антон Андрюсын бүрдүүлсэн баг нь оффисын тавилга үйлдвэрлэгч Steelcase-тэй хамтран уламжлалт байдлаас аль болох татгалзсан, оффисын шинэлэг дүр төрхийг бүрдүүлэхээр ажиллаж байна. Одоогоор концепт төвшинд явж байгаа бөгөөд уулзалтын өрөө, хурлын өрөө, ажилчдын хамтын ажиллагаа, бүтээмжийг дээшлүүлэх өрөө, задгай оффис зэрэг дээр төслийн багийнхан санаагаа гаргажээ.

Тойрог хэлбэртэй, нэг талдаа задгай хурлын өрөөний хувьд сандалнууд нь тун өвөрмөц, мөн голд нь нэг том самбар бус, аль болох олон дэлгэцийг байрлуулж өгчээ. Ингэснээр харилцан ярих үед хэн ч өөрийн саналыг нэмэрлэж, дэлгэцүүд дээр хүрч ажиллах боломжтой. Цаашдаа уулзалт, хурлыг аль болох үр дүнтэй, хүн бүрийн оролцоотой байхын тулд ийм интерьертэй хийх нь зүйтэй гэж Microsoft-ын багийнхан үзэж байна.

 

 

Өрөөнд байрлуулсан олон дэлгэцүүд дээр хүмүүс фото зураг, диаграм, текст, гар зураг, бичиглэл, видео зэргийг оруулж, бусаддаа харуулахдаа өөрийн iOS юмуу Android үйлдлийн системтэй утас, зөөврийн компьютер/таблетыг ашиглах гэнэ. Мөн дэлгэцийг ашиглан видеоконференс хийх, оролцогчдыг бүгдийг нь харуулах зэрэг давуу талтай.

Ажлын байрны шинжээч, NextMapping компаний үүсгэн байгуулагч Черил Краны хэлж буйгаар, шоо дөрвөлжин юмуу жижиг тусдаа өрөөнүүд бүхий оффис нь хүмүүсийг өөр хооронд нь тусгаарлаж, нээлттэй, хамтач байдлыг аль болох бууруулж байдаг тул цаашдаа энэ загвар хэрэглээнээс шахагдах гэнэ.

Гэхдээ тухайн компаний ажилтнуудын хэв маяг, бүтэн цагийн ажилтан мөн эсэх, гэрээт ажилтан байх зэргээс хамааран оффисын орон зай нь өөр өөр байх юм. Жишээ нь IT чиглэлийн ажилтан бол зайлшгүй тусдаа ганцаараа том ширээн дээр суух, 2-3 ширхэг дэлгэц ашиглах нь ойлгомжтой. Ямартай ч, оффисын цаашдын хандлага нь илүү сайн ажиллахаас гадна, илүү хурдтай ажиллахад анхаарах юм байна.

 

 

 

Шинэ мэдээ

Манай Гэр төвийн захирал Н.Гаамаа гавьяат багш цол тэмдгээр шагнагдав

Нийтэлсэн огноо:2020-10-08

Их Үйлсийн Эрэлд Групп болон "Манай Гэр" төв нь 2015 оноос хойш тасралтгүй хамтран ажилласаар...

Манай Гэр төвийн хүүхдүүдийн урласан бүтээлүүдээр үзэсгэлэн гаргав.

Нийтэлсэн огноо:2020-01-21

Манай Гэр хүүхэд хөгжлийн төвийн хүүхэд багачуудын урласан уран бүтээлийн үзэсгэлэн эдгээр өдрүүдэд Их ...

Магадлан итгэмжлэгдсэн Gold’s Gym Ulaanbaatar фитнесст урьж байна.

Нийтэлсэн огноо:2020-01-08

Монгол улсад албан ёсоор олон улсын жишиг стандартын орчин, үйлчилгээг хүргэхийг зорьж буй Gold’s...

Он солигдох торгон мөчид шилдэг ажилтнууд тодров

Нийтэлсэн огноо:2020-01-04

Их Үйлсийн Эрэлд Групп компани нь он солигдохын өмнөхөн группын хэмжээнд бүх ажилчдын хурлыг зохион бай...

Ихэр Шарангад компаний үйл ажиллагаа жигдэрч байна.

Нийтэлсэн огноо:2020-01-02

Их Үйлсийн Эрэлд Группын зүгээс 2019 онд онцгойлон анхаарсан төсөл нь Ихэр Шарангад мах боловсруулах үй...